Page 18 - Esmurin Tomodachi 5

Java

Tahun 2008 UNESCO netepake kesenian wayang lan keris dadi

warisan budaya dunia saka Indonesia.
Tahun 2009 ana batik lan pendidikan pelatihan batik ditetepake dadi

warisan budaya dunia dening UNESCO.

Tahun 2019 ana pencak silat yaiku salah sijine olahraga ya budaya
saka jawa kang diakoni UNESCO.
Tahun 2021 UNESCO netepake gamelan dadi warisan budaya dunia

saka Indonesia, gamelan iku warisan budaya jawa.

Iku bukti budaya Jawa kang di akoni dening UNESCO. Kabeh kuwi
nuduhake yen jawa iku sugih kabudayan.

Saka andharan mau wis cetha yen awake dhewe kudu bungah dadi wong
jawa. Yen awake dhewe bisa nganggo karaktere wong jawa mesthi wae

uripe awake dhewe bakal ayem. Kabeh budaya Jawa kudu diuri-uri. Para
mudha mudhi duweni kewajiban kenal, lan ngopeni kabudayan Jawa. Yen

ora para generasi mudha ngopeni kabeh budaya lan karakter bangsa
Indonesia, ciri saka bangsa Indonesia bakal ilang. Yen para generasi

mudhane seneng karo budaya manca, tiru karaktere wong manca, suwe-
suwe bangsa Indonesia ilang kapribadine.

Mula saka andharan mau, apa maneh kang gawe isin dadi wong jawa?

Wong jawa iku bagian saka bangsa Indonesia, kang kudune awake dhewe
bungah duweni kabudayan kang akeh banget lan karakter kang gawe
bangsa manca dadi remen wisata ing Indonesia. Yen ora awake dhwe lan

para mudha mudhi kang ngopeni budaya arep sopo maneh? Ayo para

generasi Y, generasi Z, lan generasi Alpha, ojo isin dadi wong jawa, ojo lali
karo kapribadine bangsa Indonesia, ojo nganti wong jawa ilang jawane

saengga dadekake wong manca dadi wong jawa.

14