Page 18 - Esmurin Tomodachi 6

Java

Tembung-tembung kasebut duweni fungsi utawa kagunaan dewe-dewe.
Kagunaane yaiku :
Nalika diaturi hadiah utawa pitulungan kudu bisa ngendika “matur nuwun”.
Nalika kasusahan lan butuhake bantuan kudu ngendika “nyuwun tulung”.
Nalika arep lewat utawa arep lungguh ing papan panggonan umum kudu
ngendika “nuwun sewu”.
Nalika duwe salah kudu ngendika “pangapunten”.
Nalika arep ngaturi mlebet tamu kudu ngendika “sumangga”.

Tembung-tembung iku kang dadi asal usule “5 kata ajaib” ing basa

Indonesia”. Tetembungan iku uga kang dadikake bangsa Indonesia kawentar
kesumehane dening bangsa manca.
Tembung-tembung ing dhuwur iku kang aran aji kasektene wong jawa. Kenapa
bisa kasebut aji kasektene wong jawa amarga saka tembung-tembung iku wong
jawa duweni unggah-ungguh utawa tata krama dening pawongan liya. Iki kang
dadekake wong jawa dadi priyayi kang luhur budine. Saka tetembungan mau
nalika diterapake ing urip padinan mesthi wae mujudake urip bebarengan kang
guyub rukun uga adem ayem.

Mula ayo para murid, wiwit saiki kudu bisa migunakake tetembungan mau
ing urip padinan supaya karipta urip kang gayeng guyub rukun adem ayem lan
paling wigati supaya budaya jawa kang arupa unggah-ungguh basa tetep bisa
dilestarikake diturunake ing generasi penerus. Yen awake dhewe kepengen
diajeni dening priyayi liya awake dhewe kudu bisa ngajeni priyayi liya, lan
kanggo pangeling-eling “Ajining raga saka busana, ajining dhiri saka lathi”.

Terjemah :

Nyuwun tulung=Minta tolong
Matur nuwun=Terima kasih
Nuwun sewu=Permisi
Pangapunten=Mohon maaf
Sumangga=Silahkan

14